கோழி வளர்ப்புக்கு இலவச பயிற்சி

ஈரோடு: 

கனரா வங்கி தொழில் பயிற்சி நிலையம் சார்பில், வரும், 24 முதல், ஆக., 3 வரை, 10 நாட்களுக்கு இலவச கோழி வளர்ப்பு பயிற்சி வழங்கப்பட உள்ளது. ஈரோடு, பவானி ரோடு, அசோகபுரம், லட்சுமி தியேட்டர் அருகில் உள்ள ஸ்ரீசரஸ்வதி வித்யாலயா சிறுவர் பள்ளி வளாகத்தில் இப்பயிற்சி வழங்கப்படும். விவசாயிகள், இளைஞர்கள், பெண்கள், மகளிர் குழுவினர் பயன்பெறலாம். தமிழில் எழுத, படிக்க தெரிந்திருக்க வேண்டும். வயது வரம்பு இல்லை. இப்பயிற்சி, ஞாயிறு தவிர தினமும் காலை, 10:00 மணி முதல், மாலை, 5:00 மணி வரை நடக்கும். பயிற்சி பெற்றவர்களுக்கு சான்றிதழ் வழங்கப்படும். வறுமைக் கோட்டுக்கு கீழ் உள்ளவர்களுக்கு, முன்னுரிமை வழங்கப்படும். கூடுதல் விபரம் அறிய, பயிற்சி நிலையத்தை, 0424 2290338 என்ற எண்ணில் தொடர்பு கொள்ளலாம், கனரா வங்கி முதுநிலை மேலாளர் சுதர்சன் இத்தகவலை தெரிவித்துள்ளார்.