மீன் வள மேற்பார்வையாளர் பணி

ஈரோடு: 

மீன்வளத்துறை கட்டுப்பாட்டில் உள்ள பவானிசாகர் மீன் துறை உதவி இயக்குனர் அலுவலகத்தில், காலியாக உள்ள மீன் வள மேற்பார்வையாளர் தரம்-2 பணியிடத்துக்கு விண்ணப்பங்கள் வரவேற்கப்படுகின்றன. ஆதிதிராவிடர் மற்றும் பழங்குடியினர், 18 முதல், 35 வயது வரை உள்ளவர்கள் விண்ணப்பிக்கலாம். பத்தாம் வகுப்பு தேர்ச்சி பெற்றிருக்க வேண்டும். நீச்சல் தெரிந்திருக்க வேண்டும். மீன் பிடிக்க தெரிந்திருக்க வேண்டும். மீன் பிடி வலைகள் மற்றும் அறுந்த வலைகளை பழுது நீக்க தெரிந்திருக்க வேண்டும். மீன் துறையின் கீழுள்ள ஏதேனும் ஒரு மீனவர் பயிற்சி நிலையத்தில் பயிற்சி மேற்கொண்டமைக்கான சான்றிதழ் பெற்றவர்களுக்கு முன்னுரிமை வழங்கப்படும். தகுதியானவர், பெயர், தந்தை அல்லது கணவர் பெயர், பாலினம், பிறந்த தேதி, தற்காலிக மற்றும் நிரந்தர முகவரி, கல்வித்தகுதி, சிறப்பு தகுதி, ஜாதி, அனுபவ விபரம் முதலான விபரங்களை வெள்ளைத் தாளில் பதிவு செய்து, விண்ணப்பிக்க வேண்டும். கூடுதல் விபரம் அறிய, 'மீன்வள உதவி இயக்குனர், மீன்வள உதவி இயக்குனர் அலுவலகம், டேம் ரோடு, புங்கார், பவானிசாகர் - 638 451, ஈரோடு மாவட்டம்' என்ற முகவரியில் தொடர்பு கொள்ளலாம். விண்ணப்பங்கள், ஜூன், 12க்குள் அனுப்ப வேண்டும் என, கலெக்டர் பிரபாகர் அறிவித்துள்ளார்.