மொபைல்போன் பழுது பார்க்க இலவச பயிற்சி

ஈரோடு: 

கனரா வங்கி தொழில் பயிற்சி நிலையம் சார்பில், மொபைல் போன் பழுது பார்த்தல் தொடர்பாக இலவச பயிற்சி ஜூன், 5 முதல், ஜூலை, 10ம் தேதி வரை, 30 நாட்கள் நடக்க உள்ளது.ஈரோடு, அசோகபுரம், லட்சுமி தியேட்டர் அருகே, ஸ்ரீசரஸ்வதி வித்யாலயா சிறுவர் பள்ளி வளாகத்தில், நடக்க உள்ள பயிற்சியில், இளைஞர்கள், பெண்கள், மகளிர் குழுவினர் பங்கேற்கலாம். குறைந்த பட்சம், எட்டாம் வகுப்பு படித்திருக்க வேண்டும். வயது, 18 முதல், 45 வயது வரை உள்ளவர் விண்ணப்பிக்கலாம். தினமும் காலை, 10:00 மணி முதல், மாலை, 5:00 மணி வரை, ஞாயிற்றுகிழமை தவிர மற்ற நாட்களில் பயிற்சி வழங்கப்படும். பயிற்சிக்கு கட்டணம் ஏதுவும் இல்லை. மதிய உணவு இலவசமாக வழங்கப்படும். பயிற்சி பெற்றவர்களுக்கு சான்றிதழ் வழங்கப்படும். வறுமைகோட்டுக்கு கீழ் உள்ளவர்களுக்கு முன்னுரிமை வழங்கப்படும். கூடுதல் விபரம் அறிய, 0424-2290338 என்ற எண்ணில் தொடர்பு கொள்ளலாம். இவ்வாறு கனரா வங்கி முதுநிலை மேலாளர் சுதர்சன் தெரிவித்துள்ளார்.